उद्यम विकास साकोस ,पनौतीको १३औं वार्षिक साधारणसभा चल्दै
काभ्रेपलाञ्चोकको पनौतीमा रहेको उद्यम विकास बचत तथा ऋण सहकारी संस्था लि.को १३औं वार्षिक साधारणसभा २०७७ मंसीर २० गतेदेखि सहकारी विभागको निर्देशन पालना गरी सञ्चालन भइरहेको छ । सोही संस्थाका अध्यक्ष रोशनकुमार श्रेष्ठको अध्यक्षतामा जारी उक्त साधारणसभाको पनौती नगरपालिकाका सहकारी शाखा प्रमुख इन्द्रप्रसाद अधिकारीले उद्घाटन गर्दै ‘पनौती नगरपालिकाले समाजको समृद्धिमा सहयोग गरिरहेको सहकारी क्षेत्रको विकास र प्रवर्द्धन हुने गरी कार्यक्रम बनाएर अगाडि बढी रहेको छ’ भन्नुभयो । उहाँले यस उद्यम विकास साकोसको प्रतिवेदनमा उल्लेखित सुचाङ्क हेर्दा कोरोना महामारीको भयाबह अवस्थामा पनि यो संस्था राम्रोसँग अगाडि बढेको देखिएको बताउनुभयो । त्यसै संस्थाका व्यवस्थापक उत्तम श्रेष्ठले संयोजन गरिरहनु भएको सो साधारणसभामा स्थानीय समुदायमा आधारित भएर सञ्चालन भइरहेको त्यस संस्थाको वार्षिक प्रतिवेदन , लेखा सुपरीवेक्षण समितिको प्रतिवेदन र आर्थिक प्रतिवेदन पेश गरिएको छ । साधारणसभा २०७७ मंसीर २७ गते सम्पन्न हुने सो संस्थाको भनाई छ
