ललितपुर जिल्ला बचत संघले २०७८ बैशाख २३-२५ मा चौथो ललितपुर साकोस समिट गर्ने
ललितपुर जिल्ला बचत तथा ऋण सहकारी संघ लि.को आयोजनामा २०७८ बैशाख २३ देखि २५ गतेसम्म चौथो ललितपुर साकोस समिट हुने भएको छ । ललितपुरको गोदावारी स्थित होटल भ्यूमा आयोजना हुने सो समिपमा विद्वानहरुले विभिन्न विषयमा पेपर प्रेजेन्ट गर्ने कार्यक्रम रहेको सोही संघका व्यवस्थापक सन्तोष बजगाईले 
सहकारी सञ्जाललाई बताउनु भयो । समिटमा २०० जना भन्दा बढीको सहभागिता रहने आँकलन गरिएको उहाँको भनाई छ ।
उक्त समिट २०७६ फागुन २२ देखि २४ गतेसम्म सञ्चालन गर्ने तयारी भए पनि कोभिड-१९ को कारण अन्तिम समयमा स्थगित गरिएको थियो ।
कोभिड-१९ को प्रभाव न्युन भएसँगै त्यस संघले आन्तरिक लेखा परीक्षण तालिम , बजार प्रतिनिधिका लागि तालिम र पल्स सम्बन्धी तालिम तथा सहकारीमा महिला सशक्तिकरण गोष्ठि सम्पन्न गरी सकेको छ भने यही चैत महिना भित्र कर्जा सम्बन्धी नि: शुल्क तालिम सञ्चालन गर्ने योजना रहेको बताइएको छ । २०७७ चैत ५ गतेसम्म सो संघमा करमचारी संख्या ९ , सदस्य संख्या ५२३ , शेयर पूँजी रु.४ करोड ६० लाख , निक्षेप संकलन रु.१ अर्व ५६ करोड , कर्जा लगानी रु.१ अर्व ७ करोड र कूल कारोवार रु.१ अर्व ७० करोड रहेको व्यवस्थापक बजगाईको कथन छ ।
