क्विक साकोस, कोटेश्वरले ग-यो लुभु स्थित प्रहरी चौकीलाई सेनिटाइजर र माक्स सहयोग , झापा जिल्ला सहकारी संघ लि.द्वारा पत्रकार र सुरक्षाकर्मीलाई स्वास्थ्य सामाग्री प्रदान

काठमाडौं महानगरपालिका-३२, कोटेश्वरमा रहेको क्विक बचत तथा ऋण सहकारी संस्था लि.ले ललितपुरको महालक्ष्मी नगरपालिका-८, लुभुमा रहेको प्रहरी चौकीलाई माक्स र सेनिटाइजर सहयोग गरेको छ । सो संस्थाका कार्यालय प्रमुख आस्लाम लिम्बु र ऋण अधिकृत दीपेन्द्र चौधरीले लुभुमा रहेको प्रहरी चौकीका नायब निरीक्षक रत्न थापालाई १,५०० थान माक्स र १० लीटर दरका ५ जर्किन सेनिटाइजर प्रदान गर्नुभयो । सो सहयोग ग्रहण गर्दै प्रहरी नायब निरीक्षक थापाले कोरोना महामारीको विषम परिस्थितिमा क्विक साकोसले महत्वपूर्ण सहयोग गरेको भन्दै उक्त संस्थालाई धन्यवाद ज्ञापन गर्नुभयो ।

क्विक बचत तथा ऋण सहकारी संस्था लि.का कार्यालय प्रमुख लिम्बुले हाम्रो यस संस्थाले सामाजिक उत्तरदायित्व अन्तर्गत कोरोना महामारीको विषम परिस्थितिमा नागरिकहरुको सुरक्षाका लागि अग्रभागमा रहेर कार्य गरिरहेका प्रहरी कर्मचारीहरुको सुरक्षाको लागि सहयोग पुग्न सकोस भनेर सहयोग गरेको सहकारी सञ्जाललाई बताउनुभयो ।

कोभिड १९ को नयाँ भेरियन्टबाट हुन सक्ने स्वास्थको जोखिमलाई न्यूनिकरण गर्नका लागि नेपाल सरकारबाट जारी गरिएको निर्देशनको पालना गर्दै त्यस संस्थाले आफ्ना शेयर सदस्यहरुलाई मंगलबार र शुक्रबार बिहान १० बजेदेखि १ बजेसम्म हप्ताको २ दिन कार्यलयबाट सेवा प्रवाह गरिरहेको र अति आवश्यक सेवाको जरुरत परेका शेयर सदस्यहरुलाई घरदैलो सेवा प्रवाह गर्ने व्यवस्था गर्नुका साथै खानपिनका लागी अत्ति नै समस्य परेका सदस्यहरुलाई संस्थाले राहत बितरण गर्ने त्यसै संस्थाका कार्यालय प्रमुख लिम्बुको भनाई छ ।

झापा जिल्ला सहकारी संघ लि.द्वारा पत्रकार र सुरक्षाकर्मीलाई स्वास्थ्य सामाग्री सहयोग

झापा जिल्ला सहकारी संघ लि.ले पत्रकार र सुरक्षाकर्मीलाई स्वास्थ्य सामाग्री हस्तान्तरण गरेको जानकारी प्राप्त भएको छ ।

Newsdesk

See author's posts