चुरे नष्ट हुने भन्दै सरकारको बालुवा गिटी लगायतका खानीजन्य सामाग्री भारततर्फ निर्यात गर्ने नीतिको सर्वत्र विरोध
सरकारले बालुवा गिटी लगायतका खानीजन्य सामाग्री भारततर्फ निर्यात गर्ने नीति लिएसँगै चुरे दोहन भएर तराईका धेरै जमिन मरुभूमिको हुने भन्दै त्यसको सर्वत्र विरोध भएको देखिएको छ । सरकार भने चुरेलाई बचाएर बालुवा गिटी लगायतका खानीजन्य सामाग्री निर्यात गर्ने बताइरहेको छ । सरकारको सो कार्यको नेपाली काँग्रेसका सभापति शेरबहादुर देउवा, नेकपा(माओवादी केन्द्र)का अध्यक्ष पुष्पकमल दाहाल ‘प्रचण्ड’ , जसपाका अध्यक्ष उपेन्द्र यादब , पूर्व प्रधानमन्त्री माधवकुमार नेपाल , नेपाल कम्युनिष्ट पार्टीका अध्यक्ष ऋषि कट्टेल , नेकपा (क्रान्तिकारी माओवादी) का अध्यक्ष मोहन बैद्य ‘किरण’ , नेकपा(माले) का महासचिव सी.पी. मैनाली , राष्ट्रिय जनमोर्चाकी उपाध्यक्ष दुर्गा पौडेल लगायतले विरोध गर्नु भएको छ । सरकारको उक्त कार्यको राजनीति दलहरुले मात्रै नभई नागरिकहरुले पनि विरोध गरिरहेका छन् ।
