रोयल बहुउद्देश्यीय सहकारी संस्था लि.ले प्रधान कार्यालयबाट बिहान १० देखि दिउसो १ बजेसम् सेवा प्रवाह गर्दै , सहजताको लागि सदस्यहरुलाई रोयल स्मार्ट बैंकिङ सेवा उपयोग गर्न आग्रह
काठमाडौं बसुन्धरामा आफ्नै भवनमा प्रधान कार्यालय रहेको 
रोयल बहुउद्देश्यीय सहकारी संस्था लि.ले निशेधाज्ञाको समयमा पनि स्वास्थ्य सुरक्षा मापदण्ड पालना गरेर दैनिक बिहान १० देखि दिउसो १ बजेसम्म प्रधान कार्यालय सञ्चालन गरी आफ्ना शेयर सदस्यहरुलाई सेवा प्रवाह गरिरहेको जनाएको छ । सो समयमा बचत जम्मा , बचत फिर्ता, कर्जा भुक्तानी र रेमिट्यान्स सेवा उपलब्ध गरिएको सोही संस्थाका प्रबन्ध निर्देशक सीताराम काफ्लेको भनाइ छ ।
निशेधाज्ञाको समयमा सहजताको लागि उक्त संस्थाले आफूले प्रवाह गरिरहेको रोयल स्मार्ट बैंकिङ सेवा उपयोग गर्न आफ्ना शेयर सदस्यहरुलाई आग्रह गरेको छ । त्यस सेवाबाट टेलिभिजन रिचार्ज पेमेण्ट , फण्ड ट्रान्सफर, मोबाइल टपअफ , युटिलिटी पेमेण्ट , इन्टरनेट बिल पेमेण्ट र वालेट पेमेण्ट सेवा प्रवाह भइरहेको बताइएको छ ।
