नेपाल पर्यटन केन्द्रीय सहकारी संघ लि. सहकारी मार्फत पर्यटन प्रवर्द्धन गर्ने उद्देश्यका साथ अगाडि बढ्ने छ : अध्यक्ष रामशरण शर्मा घिमिरे
नेपाल पर्यटन केन्द्रीय सहकारी संघ लि.का नवनिर्वाचित अध्यक्ष रामशरण शर्मा घिमिरेले सहकारी मार्फत पर्यटन प्रवर्द्धन गर्ने उद्देश्यका साथ नेपाल पर्यटन केन्द्रीय सहकारी संघ लि.को नवनिर्वाचित सञ्चालक समिति र लेखा सुपरीवेक्षण समिति नयाँ भिजन र योजनाका साद अगाडि बढ्ने बताउनु भएको छ । उहाँले ‘निस्क्रिय जस्तो बनेको यो संघले अब आफ्नो पहिचान बनाउने बिश्वास व्यक्त गर्नु भएको छ । २०७२ सालमा गएको महाभूकम्प र कोभिड-१९ का कारण थला परेको हाम्रो देशको पर्यटन प्रवर्द्धनको प्रचुर सम्भावना रहेको उहाँको भनाई छ ।
यही भदौ २६ गते राष्ट्रिय सहकारी महासंघ लि.का बर्तमान अध्यक्ष मिनराज कँडेल र संस्थापक अध्यक्ष दीपक प्रकाश बास्कोटाको आतिथ्यतामा 
सम्पन्न नेपाल पर्यटन केन्द्रीय सहकारी संघ लि.को वार्षिक साधारणसभाबाट बागमती प्रदेश सहकारी संघ लि.का अध्यक्ष तथा ललितपुरको महाँकाल गाउँपालिका-३ , गोटीखेलमा रहेको प्राकृतिक पर्यटन सहकारी संस्था लि.का अध्यक्ष रामशरण शर्मा घिमिरेको अध्यक्षतामा सर्वसम्मत सञ्चालक समिति 
चयन गरेको थियो । 
नेपालमा ६० वटा पर्यटन सहकारी संस्था सञ्चालनमा रहेको जनाइएको छ ।
