विप्लव नेतृत्वको नेपाल कम्युनिष्ट पार्टीका उपत्यका ईञ्चार्ज माइला लामा पक्राउ
नेत्रविक्रम चन्द विप्लव नेतृत्वको नेपाल कम्युनिष्ट पार्टीका उपत्यका ईञ्चार्ज तथा अघिल्लो संविधानसभा सदस्यका उम्मेद्वार माइला लामालाई गएको मध्यरातमा काठमाडौंको काँडाघारीबाट प्रहरीले पक्राउ गरेको जानकारी प्राप्त भएको छ । दर्जनौँ जनवादी गीत गाउनुका साथै संगीत भर्नु भएका लामा नेकपा (माओवादी) विभाजन नहुँदा सम्म सो दलको जनसांस्कृतिक महासंघको अध्यक्ष हुनुहुन्थ्यो । उहाँको साथबाट मोवाइल , तथा सो दलका राजनीति दस्तावेज भेटिएको बताइएको छ । उहाँसँगै रेशम तामाङ पनि पक्राउ परेको बताइएको छ । काठमाडौंको अनामनगर लगायतका स्थानमा भएका वम विष्फोट लगायतका घटनामा उहाँको सम्लग्नता रहेको प्रहरीको आरोप देखिन्छ ।
वर्तमान ओली सरकार र विप्लव नेतृत्वको नेपाल कम्युनिष्ट पार्टीको वार्ताको चर्चा चलिरहेको बेला माइला लामालाई प्रहरीले पक्राउ गर्नुलाई अर्थपूर्ण रुपमा हेरिएको छ ।
