टानको नयाँ कार्य समितिमा मिश्रित परिणाम आयो , अध्यक्षमा प्रजातान्त्रिक समूहका खेम सुवेदी विजयी

टानको अध्यक्षमा प्रजातान्त्रिक समूहका खेम सुवेदी वामपन्थी समूहका अञ्जान थापा (कुमार) लाई ८३ मतान्तरले पछि पारी विजयी हुनुभएको छ । टानको अध्यक्षमा विजयी सुवेदीले ५२१ र थापाले ४३८ मत प्राप्त गर्नु भएको निर्वाचन समितिले जनाएको छ। प्रजातान्त्रिक समूहबाट टानको वरिष्ठ उपाध्यक्ष नवीन त्रिताल , प्रथम उपाध्यक्षमा चोलेन्द्रबहादुर कार्की , द्वितीय उपाध्यक्षमा भरत सापकोटा ,कोषाध्यक्षमा  ऋतु ग्याम्दान र सहकोषाध्यक्षमा सूर्यकुमार श्रेष्ठ तथा

सदस्यहरुमा सनम शेर्पा , कान्छा शेर्पा , सिम्बर घले र सोनाम ग्याल्जेन शेर्पा विजयी हुनुभएको छ भने वामपन्थी समूहबाट महासचिवमा सरिता लामा , सचिवमा दामोदर ढकाल तथा

सदस्यहरुमा ङिमादिकी शेर्पा , ठाकुर सापकोटा, प्रेमबहादुर लामा , मिङ्मा तेन्जिङ शेर्पा , रामबहादुर गुरुङ विजयी हुनुभएको छ । ३१९ जना मतदाता रहेको टानको   नयाँ कार्यसमितिको निर्वाचनमा ९८१ मत खसेको निर्वाचन समितिले जनाएको थियो । टानको नयाँ कार्यसमितिको लागि  प्रजातान्त्रिक समूह र वामपन्थी समूहका दुई प्यानलका उम्मेद्वारहरुले प्रतिस्पर्धा गरेका थिए । पछिल्लो समय वामपन्थी समूहले टानको नेतृृृृत्व गर्दैै आएको थियो ।