रेवतीप्रसाद दाहलको अध्यक्षता सञ्चालक सञ्चालक समिति चयन गर्दै प्रतिभा साकोस , लगनखेलको १३औं वार्षिक साधारणसभा सम्पन्न
ललितपुरको लगनखेलमा रहेको प्रतिभा बचत तथा ऋण सहकारी संस्था लि. को १३औं वार्षिक साधारणसभा रेवतीप्रसाद दाहालको अध्यक्षतामा सञ्चालक समिति चयन गर्दै २०७६ कार्तिक २३ गते साझा पार्टी प्यालेस , लगनखेलमा सम्पन्न भयो ।
सो सञ्चालक समितिको उपाध्यक्ष , सचिव र कोषाध्यक्षमा क्रमश: बलबहादुर के.सी. , सञ्जय तिमिल्सिना र शिवप्रसाद शर्मा तथा सञ्चालक सदस्यहरु रविन्द्र शाक्य , रोशन के.सी. , राजु घिमिरे , भक्तबहादुर दर्लामी , रचना पौडेल , रामजी तिमल्सिना र पवित्रा बस्नेत हुनुहुन्छ भने लेखा सुपरीवेक्षण समितिको संयोजक उद्धव पौडेल तथा सदस्यहरु नरेन्द्र तिमिल्सिना र आशा राई रहनु भएको छ ।
उक्त साधारणसभाको प्रदेश नं. ३ का प्रदेशसभा सदस्य माधव पौडेलले उद्घाटन गर्नु भएको थियो । त्यस अवसरमा उहाँले प्रतिभा साकोसले गरिरहेको प्रगति र यसले सामाजिक , आर्थिक तथा सांस्कृतिक क्षेत्र पु-याइरहेको योगदान देख्ता आफूलाई खुशी लागेको बताउनुभयो । मुलुकको आर्थिक , सामाजिक तथा सांस्कृतिक रुपान्तरणका लागि सहकारीले योगदान पु-याइरहेको चर्चा गर्दै सहकारीले बचत र ऋण कारोवारसँगै उत्पादनमूलक क्षेत्रमा लाग्नु पर्ने खाँचो औल्याउभयो । त्यस अवसरमा युवा स्वरोजगार कोषका कार्यकारी निर्देशक डा. विष्णु गौतम लगायतले सो संस्थाको थप प्रगतिको कामना गर्नुभयो । सोही संस्थाका अध्यक्ष रामहरि बजगाईले अध्यक्षता , उपाध्यक्ष रेवतीप्रसाद दाहालले सञ्चालन र सचिव बलबहादुर के.सी. ले सञ्चालन गर्नु भएको त्यस सभामा उक्त संस्थाका जेष्ठ शेयर सदस्यद्वय विष्णुप्रसाद रिजाल र रुमकुमारी ठकुरी , उत्कृष्ट बचतकर्ता ऋषिराम घिमिरे र राजकुमार रिजाल र रेणु खत्री , उत्कृष्ट ऋणी राजकुमार तिमल्सिना , निर्मला बल लामा र पुरुषोत्तम सुवेदी , वार्षिक रुपमा धेरै शेयर बनाउने उत्कृष्ट शेयर सदस्यद्वय सुनिता तिमल्सिना र समिष्ठा श्रेष्ठ तथा उत्कृष्ठ कर्मचारी लेखापाल कल्पना जोशीलाई सम्मान गरिएको थियो ।
त्यस सभामा सोही संस्थाका अध्यक्ष रामहरि बजगाईले उक्त संस्थाको सञ्चालक समितिको वार्षिक प्रतिवेदन , लेखा सुपरीवेक्षण समिति संयोजक सचितानन्द घिमिरेले लेखा सुपरीवेक्षण समितिको प्रतिवेदन र कोषाध्यक्ष माधवप्रसाद घिमिरेले आर्थिक प्रतिवेदन पेश गर्नु भएको थियो । उक्त सभामा छलफल गरी पारित भएका प्रतिवेदनमा आर्थिक वर्ष २०७५/०७६ मा सो संस्थामा शेयर सदस्य १,८५२ जना , शेयर पूँजी रु.३,५३,९०,७०० , बचत संकलन रु.१९,३३,०७,४२०/९१ , कर्जा लगानी रु.१७,४२,०३,६०१ र कूल कारोवार रु.२७,५१,३१,५८५/०९ रहेको उल्लेख छ ।
त्यस अवसरमा जिम्मेवारी हस्तान्तरण गर्दै ललितपुर जिल्ला बचत तथा ऋण सहकारी संघ लि. का अध्यक्ष समेत रहनु भएका सो संस्थाका नि:बर्तमान अध्यक्ष रामहरि बजगाईले सहकारीमा नेतृत्व विकास र हस्तान्तरण हुँदै जानु पर्छ भन्नुभयो ।
