शंखधर साकोसको आयोजनामा प्रोबेशन बागमती क्लष्टर चौथोको पहिलो “कार्यकुशलता तथा सिकाई ब्यबस्थापन कार्यशाला“ सम्पन्न
प्रोबेशन बागमती क्लष्टर चौथोको पहिलो “कार्यकुशलता तथा सिकाई ब्यबस्थापन कार्यशाला“ PALM Workshop मध्यपुर थिमिमा २०७६ पुष १२ गते शनिबार सम्पन्न भयो । उक्त कार्यक्रमको आयोजना मध्यपुर थिमि नगरपालिका- ४ , शंखधर चोकमा रहेको शंखधर साकोसबाट गरिएको थियो ।
कार्यक्रम सञ्चालन आयोजक शंखधर साकोसका सचिव लक्ष्मीभक्त (राजु) श्रेष्ठले र अध्यक्षता सोही साकोसका अध्यक्ष रामसुन्दर श्रेष्ठले गर्नु भएको थियो ।
उक्त कार्यक्रममा प्रमुख अतिथि नेफ्स्कूनका नवनिर्वाचित अध्यक्ष परितोष पौड्याल तथा अतिथिहरु नेफ्स्कूनका सञ्चालक जनक खात्री, मन्दरा मिश्र, रीना आचार्य, प्रदेश नं. ३ बचत तथा ऋण सहकारी संघ लि.का सदस्य ठाकुर बास्कोटा, कास्कूनका संचालक लेमन श्रेष्ठ, नेफ्स्कूनका प्रोबेशन अफिसर सन्दिपराज ढकाल, कार्यक्रम अधिकृत मुकेश दाहाल रहनु भएको थियो ।
नेफ्स्कुनका अध्यक्ष पौड्यालले आजका आवश्यकता प्रविधिबाट सहकारी सञ्चालन गर्ने हो भन्दै अस्ट्रेलियाको सहकारीको दैनिक कारोबारको छोटो मिठो विचार बाढ्नु भयो । त्यस्तैगरी अतिथि मन्दरा मिश्रले प्रोवेसनमा संलग्न रहेर कार्य गर्न लाग्नुभएका सम्पुर्ण सहकारीकर्मीहरुलाई शुभकामना दिनुभयो ।
कार्यक्रम अधिकृत मुकेश दाहालले ऋण सम्बन्धी प्रस्तुती गर्नु भयो भने प्रोवेशन अफिसर सन्दिपराज ढकालले पल्र्स सम्बन्धी प्रस्तुती गर्नु भएको थियो ।
उक्त प्रोबेशन कार्यक्रममा काठमाण्डौ, भक्तपुर र काभ्रेपलाञ्चोक जिल्लाका शंखधर साकोस, मंगल विनायक साकोस, बनेपा साकोस, संकल्प स्वेक साकोस, श्री युवा साकोस, महिला अभियान साकोस, बंगलामुखी साकोस, आयाम साकोस, छिन्नमस्ता साकोस र खुल्ला बजार साकोस गरी १० वटा साकोसहरुका सञ्चालक मध्येबाट १ जना र व्यवस्थापक १ जना गरी प्रति सहकारी दुई जनाको सहभागिता थियो । कार्यक्रममा सबै साकोसका ब्यबस्थापकहरुले पालैपालो आ–आफ्नो प्रोवेसन सम्बन्धी प्रतिवेदन प्रस्तुत गर्नु भएको थियो ।
३०७६ पुस १२ गते सम्पन्न उक्त सिकाइमा सम्पूर्ण व्यवस्थापन गरेकोमा शंखधर साकोस, मध्यपुर थिमिलाई धन्यवाद दिदै अर्काे सिकाई आयाम साकोस थानकोटमा २०७६ चैत्र ७ गते शुक्रवार हुने योजना रहेको बताइयो ।
