राधाकृष्ण साकोस, बनेपाको १३औँ वार्षिक साधारणसभा सम्पन्न
काभ्रेपलाञ्चोकको बनेपामा रहेको राधाकृष्ण बचत तथा ऋण सहकारी संस्था लि. को १३औँ वार्षिक साधारणसभा बनेपामा र सो संस्थाको भकुण्डेबेशीं सेवाकेन्द्रको १३औँ क्षेत्रीय वार्षिक साधारणसभा यही साउन २४ गते भकुण्डेवेशीं, काभ्रेपलाञ्चोकमा सम्पन्न भयो । विश्वव्यापी महामारीको रुपमा फैलिएको कोरोना भाइरस(COVID-19) जोखिमप्रति सतर्कता अपनाएर सामाजिक दुरी कायम गरी सम्पन्न भएको भकुण्डेबेशीं सेवाकेन्द्रको सो साधारणसभामा सोही संस्थाका उत्कृष्ट वाल बचतकर्ता कृयुष सोजु , उत्कृष्ट नारी बचतकर्ता सलिना सापकोटा , उत्कृष्ट बचतकर्ता गंगादखस श्रेष्ठ, उत्कृष्ट असल ऋणी पेमा लामा तथा उत्कृष्ठ कर्मचारी संगीता रेग्मीलाई सम्मान गरिएको थियो । संस्थाका सम्पूर्ण शेयर सदस्यहरुको उपस्थिति रहेको त्यस साधारणसभामा संस्थालाई प्रत्यक्ष तथा अप्रत्यक्ष सहयोग गर्ने सबैलाई धन्यवाद ज्ञापन गरिएको थियो ।
