विन्धबासिनी साकोस,बनेपाको २७औं वार्षिक साधारणसभा सम्पन्न , आ.व.२०७७/०७८ मा कूल सम्पति तथा पूँजी एवं दायित्व रु.४,६१,४७,०३,००० पु-याउने लक्ष्य

त्यसै साधारणसभामा उक्त संस्थाका प्रमुख व्यवस्थापक के.वी. लामाले  समूहगत र क्षेत्रगत अवधारणामा सञ्चालन भइरहेको यस विन्धवासिनी बचत तथि ऋण सहकारी संस्था लि. ले सामाजिक तथा सामूदायिक कार्यक्रम सञ्चालन गरी सामाजिक उत्तरदायित्व निर्वाह गरिरहेको र यसले आर्थिक वर्ष २०७६/०७७ मा काभ्रेपलाञ्चोक र काठमाडौ जिल्ला भित्र १,७९३ वटा समूह मार्फत ३८,८१७ जना शेयर सदस्य र ७,९५३ जना शैक्षिक बाल बचतकर्ता गरी कूल ४६,७७० सेवाग्राही, रु.३४,३८,९२,६०० शेयर पूँजी, रु.२,४४,८८,१९००० बचत तथा निक्षेप ,२,५४,६५,९७,००० ऋण लगानी र रु.३,३८,६४,८४,००० कूल सम्पति रहेको र आर्थिक वर्ष २०७७/०७८ मा यो सस्थाको ५०,८४७ जना सदस्य, रु. ४,६१,४७,०३,००० कूल सम्पत्ति तथा पूजी एवं दायित्व पु-याउने लक्ष्य रहेको बताउनुभयो । उहाँले यस संस्थाले वित्तीय कारोवारका आलावा सदस्य सुरक्षण कार्यक्रम, लघुवित्त कार्यक्रम, लघु जीवन वीमा, बाली वीमा, पशु वीमा ,  ज्ञानमा आधारित विशेष कृषि कार्यक्रम, विप्रेषण , स्थानीय तहको सहकारी कार्यक्रममा व्याज अनुदान, सहुलियत ऋण, सामाजिक तथा सामूदायिक कार्यक्रम सञ्चालन गर्नुका साथै सदस्यहरुलाई अत्याधुनिक प्रविधिमा आधारित मोबाइल बैकिङ्ग, ट्वावलेट बैकिङ्ग, एटीएम(  ATM) सेवा, बैंक र संस्था बीच फण्ड ट्रान्सफर सेवा लगायतका कार्यहरु गर्दै आएको छ भन्नुभयो ।

सो अवसरमा बागमती प्रदेश बचत तथा ऋण सहकारी संघ लि.का अध्यक्ष उद्धव सापकोटा र सोही संघका सञ्चालक प्रकाश बञ्जारा , बागमती प्रदेश सहकारी संघ लि.का सञ्चालक कृष्णप्रसाद तिमल्सिना र फलफूल तरकारी तथा विउविजन कृषि केन्द्रीय सहकारी संघ लि.का अध्यक्ष विनोद पराजुलीलाई बधाई तथा कार्यकाल सफलताको कामना गर्दै सम्मान गरिको थियो ।

२०७७ मंसीर १० देखि २४ गते सम्म २३ स्थानमा सदस्यहरुको भेला गराई सोही भेलाबाट क्षेत्रगत आधारमा साधारणसभाका लागि प्रतिनिधि चयन गरी २०७७ मंसीर २७ गते संस्थाको मुख्य कार्यालय र  सेवा कार्यालयमा एकै दिन क्षेत्रगत प्रतिनिधिहरु उपस्थित गराई सो साधारणसभा सम्पन्न गरेको हो ।