सेभ एण्ड एन्हान्स साकोस, बलम्बुको कूल कारोवार रु.४४ करोड ४६ लाख
काठमाडौंको बलम्बुमा आफ्नै भवनबाट सञ्चालन भइरहेको सेभ एण्ड एन्हान्स बचत तथा ऋण सहकारी संस्था लि.ले आफ्नो २२औं वार्षिक साधारणसभाले पारित गरेको नीति तथा कार्यक्रम कार्यान्वयन गरिरहेको जनाएको छ । सो संस्थाका अध्यक्ष शंकर श्रेष्ठलेे 
आर्थिक वर्ष २०७७/०७८ को अन्तसम्ममा आफ्नो शेयर सदस्य संख्या ४ हजार , शेयर पूँजी रु.२ करोड ५० लाख र कूल कारोवार रु.५२ करोड पु-याउने लक्ष्यका साथ कार्य सञ्चालन गरिरहेको हाम्रो यस सेभ एण्ड एन्हान्स बचत तथा ऋण सहकारी संस्था लि. मा २०७७ माघ १२ गतेसम्म शेयर सदस्य संख्या ३ हजार ६ सय ६४ , शेयर पूँजी रु.२ करोड ६ लाख , निक्षेप संकलन रु.४२ करोड , कर्जा लगानी रु.३१ करोड र कूल कारोवार रु.४४ करोड ४६ लाख रहेको सहकारी सञ्जाललाई बताउनुभयो । ‘यस संस्थाले आफ्ना शेयर सदस्यहरुलाई प्रवाह गरिरहेको सेवालाई थप गुणस्तरीय बनाउने गरी कार्य भई रहेको छ’ उहाँको भनाई छ । उहाँले कोरोना महामारीको विषम परिस्थितिमा पनि यस संस्थाले आर्थिक वर्ष २०७६/०७७ मा भएको कारोवारको आधारमा आफ्ना शेयर सदस्यहरुलाई १० प्रतिशत लाभांश वितरणगर्न सकेको बताउनुभयो ।
सो संस्थाको २०७७ पुस १५ देखि २४ गतेसम्म २२औं वार्षिक साधारणसभा सोही संस्थाका अध्यक्ष शंकर श्रेष्ठको अध्यक्षतामा सम्पन्न भएको थियो । सहकारी विभागको सहकारी संघ/संस्थाको साधारणसभा सम्बन्धी निर्देशन पालना गरी स्वास्थ्य सुरक्षा मापदण्ड अपनाएर सम्पन्न साधारणसभाको उक्त संस्थाका जेष्ठ शेयर सदस्य काजी श्रेष्ठले उद्घाटन गर्नु भएको थियो ।
त्यसै संस्थाका सचिव गौतम नकर्मीले सञ्चालन र प्रबन्धक गगन श्रेष्ठले स्वागत मन्तव्य व्यक्त गर्नु भएको साधारणसभामा सोही संस्थाका अध्यक्ष श्रेष्ठले प्रगति प्रतिवेदन , कोषाध्यक्ष मधु श्रेष्ठले आर्थिक प्रतिवेदन र लेखा सुपरीवेक्षण समिति संयोजक के.पी. पौडेलले लेखा सुपरीवेक्षण समितिको प्रतिवेदन प्रस्तुत गर्नु भएको थियो ।
