प्रस्तावित नेपाल सहकारी बैंक लि.को तदर्थ सञ्चालक समितिको अध्यक्षमा सुरेन्द्र भण्डारी
प्रस्तावित नेपाल सहकारी बैंक लिमिटेडको यही माघ १७ गते काठमाडौंको बबरमहलस्थित कार्की बैङ्क्वेटमा प्रारम्भिक भेला सम्पन्न गरे सँगै सो बैंकको दर्ताको प्रक्रिया अगाडि बढेको बताइएको छ । सोही भेलाले दर्ता प्रक्रिया लगायत आवश्यक कार्य सञ्चालन गर्ने गरी राष्ट्रिय सहकारी महासंघ लि.का नि:बर्तमान सञ्चालक तथा नेपाल बहुउद्देेेेेेश्यीय केन्द्रीय सहकारी संघ लि.का अध्यक्ष सुरेन्द्र भण्डारीको अध्यक्षतामा तदर्थ सञ्चालक समिति र काठमाडौंका कृष्ण मगरको संयोजकत्वमा लेखा सुपरीवेक्षण समिति गठन गरेको बताइएको छ । त्यस तदर्थ सञ्चालक समितिको सदस्यमा ललितपुरबाट माधव दुलाल , शरदकुमार महर्जन , विनोद डंगोल र शशी खड्का , काठमाडौंबाट पुष्पबहादुर पौडेल , डा.ज्ञानेन्द्रप्रसाद पौडेल , सीताराम काफ्ले , शम्भुप्रसाद घिमिरे, राममान सिंह महर्जन, दिलिप पौडेल र राजाराम बुढाथोकी ,भक्तपुरबाट बिदुरमान सिंह बस्नेत , काभ्रेपलाञ्चोकबाट गीता सिग्देल दाहाल , झापाबाट दुर्गाप्रसाद सापकोटा, पर्शाबाट विनोदकुमार दत्त र राजेन्द्र प्रसाद जयसवाल ,चितवनबाट दिनेश चुके, सर्लाहीबाट नागेन्द्र कुमार , स्याङ्जाबाट केशवप्रसाद लम्साल, कास्कीबाट ध्रुवराज पौडेल , गोरखाबाट हरिमान अधिकारी, सुर्खेतबाट पदम दाहाल , बाँकेबाट ललित पहाडी र कैलालीबाट तुलसा देवकोटा तथा लेखा सुपरीवेक्षण समितिको सदस्यमा ललितपुरबाट किशोर महर्जन र गोरखाबाट निधिप्रसाद तिमल्सिना हुनुहुन्छ । उक्त सञ्चालक समिति र लेखा सुपरीवेक्षण समिति गठन भएसँग सो बैंक स्थापना हुनुपर्छ भनेर लागेका कतिपय सहकारी अभियानकर्मीहरुले असन्तुष्टि व्यक्त गरेको पनि देखिएको छ ।
