सीतापाइला बहुउद्देश्यीय सहकारी संस्था लि.ले ल्यायो क्युआर कोल्ड सञ्चालनमा
आफ्ना शेयर सदस्यहरुको जीवनस्तर माथि उठाउन सहयोग पुग्ने गरी कार्य गरिरहेको सीतापाइला बहुउद्देश्यीय सहकारी संस्था लि.ले आफ्नो २२औँ स्थापना दिवस शुभकामना आदान-प्रदान गरी मनाएको छ । काठमाडौंको सीतापाइलामा मुख्य कार्यालय रहेको सो संस्थाले आफ्नो २२औँ स्थापना दिवसको अवसरमा शेयर सदस्यहरुलाई प्रविधि मैत्री बनाउनुका साथै नगद रहित कारोवारलाई प्राथमिकता दिने उद्देश्यले हिजोबाट क्यूआर कोर्ड सञ्चालनमा ल्याएको जनाएको छ । आफ्ना शेेेयर सदस्यहरुलेे सञ्चाचल गरिरहेका चिया पसल , तरकारी पसल , फलफूल पसल , औषधि पसल , अस्पताल , सपिङ्ग सेन्टर , होटल , रेष्टुरेण्ट लगायतका स्थानमा क्यूआर कोर्ड मार्फत भुक्तानी गर्न सक्ने व्यवस्था गरेको सोही संस्थाका अध्यक्ष केदार मानन्धरको भनाई छ ।
सामाजिक उत्तरदायित्व अन्तर्गत समय- समयमा विभिन्न रचनात्मक गतिविधि सञ्चालन गरिरहेको त्यस संस्थाले यस अगाडि नै मोवाइल एप्स सञ्चालन गरिरहेको छ , जसमार्फत शेयर सदस्यहरुले इन्टरनेट , खानेपानी , विजुली तथा टेलिफोन सेवाको विल भुक्तानी , हवाई सेवाको टिकट बुकिङ्ग , डिजिटल प्रविधि मार्फत मिनि स्टेटमेण्ट लिने , मोबाईलमा टपअफ गर्ने लगायतका सेवा उपयोग गरिरहेको बताएको छ ।
संस्थागत सुशासनलाई अवलम्बन गरी सञ्चालन भइरहेको सो संस्था निरन्तर प्रगतिपथमा अगाडि बढिरहेको देखिएको छ ।
