निशेधाज्ञा अवधिको हर्जना मिनाहा र व्याज छुट गर्दै मंगलदीप साकोस
ललितपुरको प्रयाग पोखरीमा रहेको मंगलदीप बचत तथा ऋण सहकारी संस्था लि.ले निशेधाज्ञा शुचारु भएको २०७८ बैशाख १६ गतेदेखि असार मसान्तसम्मको कर्जाको व्याज छुट र हर्जाना मिनाहा गर्ने भएको छ । जस अनुसार यही असार २० गतेेभित्र कर्जाको सावाँ र व्याज भुक्तानी गरेमा १० प्रतिशत र यही असार २८ गतेभित्र कर्जाको साँवा र व्याज भुक्तानी गरेमा ५ प्रतिशत र निशेधाज्ञा अवधिदेखि असार मसान्तसम्मकै व्याज मात्र बुझाएमा हर्जाना मिनाहा गरिने सो संस्थाका अध्यक्ष नवराज विष्टले बताउनुभयो । हाम्रो यस संस्थाले निर्धारण गरेको समयभित्र खराब ऋणको सावाँ र व्याज भुक्तानी गरेमा पाकेको व्याजमा २५ प्रतिशत छुट र हर्जाना मिनाहा गर्ने निणर्य भएको उहाँको भनाई छ ।
यही असार ८ गतेदेखि नियमित कार्यालय सञ्चालन गर्न थालेको सो संस्थाले निशेधाज्ञा अवधिभर हप्ताको ३ दिन कार्यालय सञ्चालन गरेर आफ्ना शेयर सदस्यहरुलाई सेवा प्रवाह गरेको थियो भने अत्यावश्यक सेवाको आवश्यकता भएका आफ्ना शेयर सदस्यलाई निजको घरदैलोमै पुगेर सेवा प्रवाह गरेको जनाइएको छ ।
