लेटाङका मोरङ साकोस र देउराली महिला साकोस एकीकरणका बाँकी कार्य टुङ्ग्याउदै
यही असार १७ गते १ नं. प्रदेश सहकारी महाशाखाका रजिष्टार बलराम निरौलाबाट 
एकीकरणको प्रमाण-पत्र प्राप्त गरेका मोरङको लेटाङका मोरङ बचत तथा ऋण सहकारी संस्था लि. र देउराली महिला बचत तथा ऋण सहकारी संस्था लि.ले आफूहरु बीचको एकीकरणका बाँकी कार्य चाडै टुङ्याउने गरी कार्य गरी कार्य गरिरहेको जनाइएको छ । ती दुई संस्था बीच एकीकरण भई बनेको एकीकत संस्थाको नाम मोरङ बचत तथा ऋण सहकारी संस्था लि. राख्ने यस अगाडि नै समझदारी भएको थियो । एकीकृत संस्थाको कार्यक्षेत्र मोरङ जिल्लाभर छ भने यसको जगेडा तथा अन्य कोषमा रु. २ करोड ८६ लाख , शेयर पूँजी रु.३ करोड ८ लाख , निक्षेप रु.२४ करोड ९ लाख र कर्जा लगानी रु.२० करोड ५० लाख र कुल वासलात रु.३० करोड ३० लाख रहेको बताइएको छ । एकीकृत संस्थाका व्यवस्थापक निरज शाक्यले यस संस्थाको सदस्य सेवाकेन्द्र स्थापना गर्ने दिशामा अगाडि बढ्ने बताउनुभएको छ ।
