सर्लाही जिल्ला बचत संघका अध्यक्ष बाबुराम घिमिरेको संयोजकत्वमा साकोस एकीकरण सम्बन्धी कार्यदल गठन
सर्लाही जिल्ला बचत तथा ऋण सहकारी संघ लि.का अध्यक्ष बाबुराम घिमिरेको संयोजकत्वमा सर्लाही जिल्लामा रहेका साकोसहरु बीच एकीकरण सम्बन्धी ९ सदस्यीय कार्यदल गठन भएको जानकारी प्राप्त भएको छ । सो कार्यदलले बृहत साकोस एकीकरण अभियानमा सहभागी हुन सर्लाही जिल्लामा रहेका साकोसहरुलाई अनुरोध गरेको छ ।
यसै सम्बन्धी गत हप्ता सर्लाहीको हरिवनमा रहेको सगुन बचत तथा ऋण सहकारी संस्था लि.को आयोजनामा सर्लाही जिल्लाभरी को सहकारी अभियानमा आवद्ध साकोसहरु बीच एकीकरण सम्बन्धी अन्तर्क्रिया कार्यक्रम सम्पन्न भएको थियो । उक्त अन्तर्क्रिया कार्यक्रम सोही संस्थाका अध्यक्ष केशवप्रसाद ढकालको अध्यक्षतामा सम्पन्न भएको थियो ।
