त्रियोगात्मक साकोसको आयोजना तथा कास्कून र ब्लोदानको संयोजनमा बृहत रक्तदान कार्यक्रम सम्पन्न
काठमाडौंको बनस्थलीमा रहेको त्रियोगात्मक बचत तथा ऋण सहकारी संस्था लि.को आयोजना तथा काठमाडौं जिल्ला बचत तथा ऋण सहकारी संघ लि.(कास्कून)र ब्लोदानको संयोजनमा हिजो बृहत रक्तदान कार्यक्रम सम्पन्न भयो । कास्कून र ब्लोदान बीच आर्थिक वर्ष २०७८/०८९ मा कास्कूनका सदस्य संस्थाहरुको आयोजनामा ५२ वटा रक्तदान कार्यक्रम आयोजना गर्ने सहमती भए अनुरुप सो रक्तदान कार्यक्रम सम्पन्न भएको कास्कूने जनाएको छ । त्रियोगात्मक बचत तथा ऋण सहकारी संस्था लि.को कार्यालय परिसरमा सम्पन्न रक्तदान कार्यक्रममा ३० जना रक्तदाताहरुले रक्तदान गरेका थिए । कास्कूनका उपाध्यक्ष नवराज अर्याल र सञ्चालक तारानाथ सापकोटा तथा ब्लोदानका भोलानाथ पाठक लगायतको उपस्थिति रहेको त्यस कार्यक्रममा रक्तदाताहरुलाई धन्यबाद सहित प्रमाण-पत्र प्रदान गरिएको थियो । 
कास्कूनका सदस्य संस्थाहरुको पालैपालो आयोजनामा प्रत्येक हप्ता रक्तदान कार्यक्रम सञ्चालन हुदै आएको छ ।
