आश्रय बहुउद्देश्यीय सहकारीको १३ औं साधारण सभा सम्पन्न
काठमाडौंको ताहाचलमा रहेको आश्रय बहुउद्देश्यीय सहकारी संस्थाको १३ औं बार्षिक साधारण सभा असोज १६ गतेका दिन आफ्नै नव निर्मित भवनमा एक औपचारिक कार्यक्रम गरी सम्पन्न भएको छ ।
सो साधारण सभाले प्रेमकृष्ण मानन्धरको अध्यक्षतामा नयाँ सञ्चालक कार्यसमिति चयन गरेको छ
त्यसैगरी उपध्यक्षमा विश्वकल्याण बडगामी, सदस्यहरुमा रमेशध्वज बस्नेत, शान्त रत्न बज्राचार्य, विजयलाल श्रेष्ठ, किरणरत्न शाक्य, सोनी बज्राचार्य चयन भएका छन् । लेखा समिति संयोजकमा विमल श्रेष्ठ र सदस्यमा सुवर्णलाल प्रधान, प्रविणबहादुर सिंह रहेका छन् ।
संस्थाको आर्थिक बर्ष २०७७÷०७८ को शेयरपुँजी २ करोड ६५ लाख ३३ हजार ६ सय, जगेडा तथा अन्य कोष १ करोड ३८ हजार, बचत संकलन २४ करोड ३२ लाख ७२ हजार, ऋण लगानी १५ करोड ३० लाख ७८ हजार उल्लेख गरिएको उक्त संस्थाका मुख्य प्रबन्धक राजेन्द्रकृष्ण श्रेष्ठले जानकारी गराएका छन् ।
