नवाली सहकारीले आफ्ना सदस्यलाई १५.७८ प्रतिशत लाभांश दिने
काठमाण्डौ महानगरपालिकाको जयबागेश्वरी मन्दिर नजिकै रहेको नवाली बचत तथ ऋण सहकारी संस्थाको ११ औं बार्षिक साधारण सभा असोज १६ गतेका दिन सम्पन्न भएको छ ।
सोहि कार्यक्रमको अध्यक्षता ग्रहण गर्दै अध्यक्ष आशामान संगतले आफ्नो शुभकामना मन्तव्य राख्दै संस्थाले सहकारिताको मुल्य मान्यता र सिद्धान्तको पालना गर्दै आफ्ना सदस्यहरुलाई वित्तीय सेवाका साथै बचत ऋणमा उच्चतम प्रतिफल प्रदान गर्दै आईरहेको जानकारी गराएका थिए ।
सो संस्थामा आबद्ध रहेका सदस्यहरुको माया र भावनाले गर्दा संस्था आज यहाँ सम्म आईपुग्न सफल भएको उनको भनाई थियो ।
उक्त संस्थाका सचिव बाबुराजा संगतले आ. व. २०७७÷०७८ को वार्षिक प्रतिवेदन पेश गरेका थिए । उनले चालु आवको भावी कार्यक्रम पेश गर्दै शेयरपुँजी १ करोड ५० लाख पु¥याउने लक्ष्य रहेको उनले जानकारी गराए ।
उक्त संस्थाका कोषाध्यक्ष अशोक कुमार डंगोलले आर्थिक प्रतिवेदन प्रस्तुत गरेका हुन् ।
संस्थाको २०७८ असार मसान्तसम्म बचत ७ करोड ५४ लाख २३ हजार, ऋण लगानी ५ करोड ७८ लाख २२ हजार र शेयरपुँजी ९२ लाख ४८ हजार रहेको उल्लेख गरिएको छ ।
सो संस्थामा ९८० सदस्यहरु आबद्ध भईसकेका छन् । संस्थाले आफ्ना सदस्यहरुलाई १५.७८ प्रतिशत लाभांश दिने निर्णय समेत पारित गरेको छ
