अग्रज सहकारी डल्लुको १३ औं बार्षिक साधारण सभा सम्पन्न
काठमाडौंको डल्लुु –१५ रहेको अग्रज बहुउद्देश्यीय सहकारी संस्था लिमिटेडको १३ औं बार्षिक साधारण सभा यहि कात्तिक १३ गते शनिवारका दिन संस्थाको आफ्नै भवन डल्लुमा सम्पन्न गरिएको छ ।
सो संस्थाको बार्षिक साधारण सभाको अध्यक्षता संस्थाका अध्यक्ष बिनयकुमार पौडेलले गर्नुभएको थियो ।
त्यसैगरी अतिथिहरुमा राष्ट्रिय सहकारी बैंक न्युरोड शाखा प्रमुख केदारनाथ उप्रेती, बैंकका गोंगबु शाखा प्रमुख विनोद भट्टराई, संस्थाका पूर्व अध्यक्ष घनश्याम प्रसाद श्रेष्ठ लगायत विभिन्न संस्थाका प्रतिनिधिहरु र सदस्यहरुको बहुसंख्यक उपस्थिति रहेको थियो ।
सो साधारण सभा कार्यक्रमको सहजीकरण संस्थाका व्यवस्थापक उत्तम थापाले गर्नुभएको थियो ।
त्यसैगरी संस्थामा हालसम्म ६९४ जना सदस्यहरु आबद्ध भईसकेका छन् भने संस्थाले २०७७÷०७८ मा संस्थाको मुनाफा ३ लाख ९० हजार ३१ रुपैया ७६ पैसा रहेको प्रतिवेदन जानकारी गराएको छ ।
