श्री महिला तरकारी व्यवसायी सहकारीले सदस्यहरुलाई सिपमुलक तालिम प्रदान गर्ने
काठमाडौको कालिमाटी तरकारी बजार भित्र रहेको श्री महिला तरकारी व्यवसायी बचत तथा ऋण सहकारी संस्थाको १३औं साधारणसभा सम्पन्न यहि २०७८ पौष १३, मंगलबार दिन सम्पन्न भएको छ ।
काठमाण्डौ महानगरपालिकाकी उपमेयर हरिप्रभा खड्गीले सो कार्यक्रमको उद्घाटन गरेकी थिईन । कार्यक्रमको अध्यक्षता सोहि संस्थाकी अध्यक्ष तारा रेग्मी मगरले गरेकी हुन् ।
सो उद्घाटन सभामा बोल्दै संस्थाकी अध्यक्ष मगरले २०६५ सालमा स्थापना गरिएको हाम्रो यस संस्थाले आजका दिनसम्म आईपुग्दा उल्लेख्य मात्रामा प्रगति गर्न सफल हुँदै आईरहेको जानकारी गराईन् । संस्थाले सहकारी मुल्य, मान्यता र सिद्धान्तको पालना गरी सामाजिक उत्तरदायित्व अन्तर्गतका कार्यक्रमहरुलाई पनि संस्थाले प्राथमिकता दिँदै आईरहेको उनको थप भनाई थियो ।
त्यसैगरी संस्थाकी सचिव मेनुका नेपालले वार्षिक प्रगति प्रतिवेदन प्रस्तुत गरेकी थिईन भने संस्थाकी कोषाध्यक्ष गोमा रिजालले आ. व. २०७७÷ ७८ को आर्थिक प्रतिवेदन प्रस्तुत गर्दै संस्थाको शेयरपुँजी १ करोड ६८ लाख ८४ हजार, बचत १३ करोड ५६ लाख र ऋण लगानी १५ करोड ६२ लाख, १८ करोड ३६ लाख कुल कारोबार रहेको सभामा जानकारी गराईन् ।
त्यसैगरी संस्थाले यस आर्थिक बर्ष भित्रमा सदस्यहरुलाई सीपमुलक तालिम दिई उद्यमशील बनाउने र कृषि क्षेत्रलाई प्राथमिकता दिई समुहमार्फत लगानी गर्ने र संस्थाका सञ्चालक समिति र कर्मचारीहरको क्षमता अभिवृद्धि तालिम आयोजना गर्नुका साथै सहकारी शिक्षा, स्वास्थ्य शिविर आयोजना गर्ने समेत बताईएको छ ।
सो संस्थाकी लेखा समिति संयोजक सावित्री पौडेलले समितिको प्रतिवेदन प्रस्तुत पेश गरेका थिईन् ।
संस्थाले सो बार्षिक साधारण सभाको अवसर पारेर जेष्ठ नागरिक सदस्य लगायतका सदस्यहरुलाई सम्मान समेत गरेको थियो ।
