विश्वासिलो सहकारीे द्धारा मन्दिर परिसरमा बृक्षारोपण, ४ जिल्लामा १५००० विरुवा रोप्ने सदस्यलाई गरियो सम्मान
बर्दियाको ठाकुरबाबा नपा मढेलामा आफ्नै सुबिधा सम्पन्न भवनबाट वित्तीय कारोबार गर्दै आईरहेको विश्वासिलो बचत तथा ऋण सहकारी संस्था लि.ले यहि जेठ ३ गतेका दिन २९औं वार्षिक उत्सवका अवसरमा ऐतिहासिक ठाकुरद्वारा मन्दिर परिसरमा वृक्षारोपण गरेको छ ।
त्यसैगरी संस्थाले सो अवसरमा ठाकुरबाबा नगरपालिका ९ मा रहेको ऐतिहासिक ठाकुरद्वाराको मन्दिर परिसरमा वर, पिपल, निम लगायतका बिरुवा रोपण गरिएको जानकारी गराएको छ ।
साथै संस्थाले उक्त कार्यक्रममा बर्दिया जिल्ला सहित सुर्खेत,दैलेख,अछाम र कैलालीम गरी १५,००० भन्दा बढीको संख्यामा वृक्षारोपण गर्नुभएका संस्थाका सेयर सदस्य लक्ष्मी प्रसाद खनाल लाई प्रमाणपत्र द्वारा सम्मान गरिएको संस्था प्रमुख कार्यकारी अधिकृत कृष्ण प्रसाद शर्माको भनाई छ ।
