हाम्रो दहचोक बचत तथा ऋण सहकारी संस्थाको १५ औं स्थापना दिवस तथा बृहत रक्तदान कार्यक्रम सम्पन्न
हाम्रो दहचोक बचत तथा ऋण सहकारी संस्थाको १५ औं स्थापना दिवस असार १ गते शनिबारका दिन संस्थाको आयोजना र कास्कुनको संयोजन तथा मेट्रो ब्लड बैंकको प्राविधिक सहयोगमा चन्द्रगिरी न.पा १ दहचोक स्थित संस्थाको भवन परिसरमा संस्थाका अध्यक्ष हरि शरण थापाको अध्यक्षता तथा काठमाडौं जिल्ला बचत तथा ऋण सहकारी संघ (कास्कुन)का अध्यक्ष दिपक पनेरुको प्रमुख आतिथ्यता
र संस्थाका उपाध्यक्ष जगन्नाथ कर्कीको संयोजकत्वमा जनप्रतिनिधि कविराज खड्का सल्लाहकार राजेन्द्र के.सी. तथा संस्थाका सञ्चालक समिति,लेखा समिति,उपसमितिहरु,ब्यवस्थापनका कर्मचारीहरु, दहचोक युवा समुह र संस्थाका सेयर सदस्यहरु साथै ८५ जना रक्तदाताहरुले रक्तदान गरी संस्थाको १५ औं बार्षिकोत्सव तथा शुभकामना आदान प्रदान सहित भब्य र सब्यरुपले सम्पन्न गरियो कार्यक्रममा संस्थाका अध्यक्ष थापाले सम्पुर्ण सेयर सदस्यहरुमा १५ औं स्थापना दिवसको अवसरमा शुभकामना व्यक्त गर्नुभयो सभामा प्रमुख अतिथि पनेरुले हाम्रो दहचोक साकोसले सहकारीको मुल्य र मान्यतामा अडिक
रहेर सदस्यहरुको सेवा र सुविधालाई प्राथमिकतामा राखी उचित ब्यवस्थापन गर्दै चन्द्रागिरी कै उदाहरणिय सहकारी र सहकारीताको रुपमा आफुलाई परिचित गराउन सफल रहेकोमा संस्था र सदस्यहरुलाई धन्यवाद दिदै सबैमा शुभकामना व्यक्त गर्नुभयो कार्यक्रममा संस्थाका उपाध्यक्ष जगन्नाथ कार्कीको स्वागत मन्तब्य तथा कार्यक्रम सञ्चालन संस्थाका सचिव रमेश रोकाले गर्नुभएको थियो सभामा उपस्थित संस्थालाई माया गरी सकारात्मक सोच साथ सहयोग गर्नुहुने सदस्यहरु र रक्तदान कार्यक्रममा सहभागी हुने सम्पुर्ण रक्तदाताहरुमा संस्थाको तर्फबाट शुभकामना व्यक्त गरी कार्यक्रम समापन गरिएको थियो
