हाम्रो साकोस २३औं वर्षमा प्रवेश
ललितपुरको प्रयागपोखरीमा मुख्य कार्यालय तथा लगनखेल , चापागाउँ र गोटीखेलबाट सदस्य सेवाकेन्द्र मार्फत आफ्ना शेयर सदस्यहरुलाई सेवा प्रवाह गरिरहेको हाम्रो बचत तथा ऋण सहकारी संस्था लि. २३औं वर्षमा प्रवेश गरेको छ । 
सोही अवसरमा सो संस्थाले लाईन्स क्लव सहितका सामाजिक संस्थाहरुसँग सहकार्य गरेर यही फागुन १५ गते ललितपुरको मंगलबजारमा बृृृहतह रक्तदान कार्यक्रम 
आयोजना गरेको जनाएको छ ।
२०५५ साल फागुन १३ गते तत्कालीन डिभिजन सहकारी कार्यालय , ललितपुरमा हाम्रो नमुना बचत तथा ऋण सहकारी संस्था लि.को रुपमा दर्ता भई सञ्चालनमा आएको त्यस संस्थाले २०७६ मंसिर ३० गते ललितपुरका हाम्रो थैली बचत तथा ऋण सहकारी संस्था लि. र सेवक बचत तथा ऋण सहकारी संस्था लि.सँग एकीकरण गरेको थियो । ती ३ संस्था वीच एकीकरण भएपछि एकीकृत संस्थाको नाम हाम्रो बचत तथा ऋण सहकारी संस्था लि राखिएको थियो भने संस्थाको मुख्य कार्यालय प्रयागपोखरीमा र लगनखेलमा सदस्य सेवाकेन्द्र सञ्चालनमा ल्याइएको थियो । यसैगरी यही २०७७ फागुन ७ गते ललितपुरको चापागाउँमा र फागुन ८ गते गोटीखेलमा सदस्य सेवाकेन्द्र सञ्चालनमा ल्याएको छ भने काठमाडौं बालाजुमा पनि सदस्य सेवाकेन्द्र सञ्चालनमा ल्याउनेे गरी तयारी भइरहेको सोही संस्थाका प्रबन्धक इन्द्र घिमिरेको भनाई छ ।
गुणस्तर बृद्धि गर्दै निरन्तर प्रगतिपथमा अगाडि बढिरहेको त्यस संस्थाले आफ्ना शेयर सदस्यहरुलाई अत्याधुनिक वित्तीय सेवा , मोवाइल बैंकिङ्ग , ट्यवलेट बैंकिङ्ग , लघुवित्त कार्यक्रम , रेमिट्यान्स सेवा, सदस्य स्वास्थ्य सेवा लगायतका सेवा प्रवाह गर्दै आएको छ र आफ्ना शेयर सदस्यहरुलाई थप गुणस्तरीय र सर्वसुलभ सेवा प्रवाह गर्न हाम्रो यो संस्था प्रतिबद्ध रहेको त्यसै संस्थाका अध्यक्ष शम्भुप्रसाद फुयालले बताउनु भएको छ ।
२०७७ मंसिर १३ -२७ गते आफ्नो २२औं एकीकृत वार्षिक साधारणसभा सम्पन्न गरेको उक्त संस्थामा आर्थिक वर्ष २०७६/०७७ को अन्तसम्ममा शेयर सदस्य संख्या ५ हजार ४ सय ३० जना , शेयर पूँजी रु.१४ करोड ६ लाख , निक्षेप संकलन रु.९७ करोड ५३ लाख र कर्जा प्रवाह रु.१ अर्ब ५ करोड ८० लाख रहेको बताइएको छ ।
